Bezperak
Agurra
V/. Zatozkit
lagun, ene Jainko.
R/. Jauna,
zatoz laster ni laguntzera.
V/. Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen. (Aleluia).
1 Ant. Egun
oro zaitut, Jauna, bedeinkatuko, eta zure mirariak ditut zabalduko.
144 Salmoa, 1-13a
Goratuko zaitut, ene Jainko,
ene Errege,
bedeinkatuko dot zure izena
betiere.
Egun oro bedeinkatuko zaitut,
zure izena menderen mende
goretsiko dot.
Handia da Jauna, guztiz
goresgarria,
Haren handitasuna ezin igarri daiteke.
Gizaldi batek hurrengoari
zure lanak iragarten deutsoz,
zure indarra deutso
ezagutzera emoten.
Zure aintza handiaren dirdira
zabal aitatzen dabe,
zure mirariak zabaltzen dabez.
Zure lan izugarrien ahala dinoe,
zure handitasuna ataraten dabe.
Zure ontasun handiaren gogoramena
dabe zabaltzen,
zure zuzentasuna
poz-oihuz goratzen.
Errukitsua da Jauna ta bihozkorra,
berant-hasarre eta guztiz onbera.
Ona da Jauna guztientzat,
errukior Berak egin dituanentzat.
Jauna, zure lan guztiek
ospatu zaiezala,
zure zintzoek bedeinkatu zaiezala.
Zure erregetza zein bikain dan
autortu daiela,
zure ahal-izateaz hitzegin daiela.
Ezagutuazo beie gizaseme alabei
zure bizkortasuna,
zure erregetza
ospetsuaren bikaintasuna.
Zure erregetza,
mende guztietako erregetza,
gizaldiz gizaldi zure nagusitza.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan.
Amen.
Ant. Egun
oro zaitut, Jauna, bedeinkatuko, eta zure mirariak ditut zabalduko.
2 Ant. Guztien
begiak Zeuri begira dagoz, Jauna; bertan zagoz deitzen deutsuenengandik.
144 Salmoa, 13b-21
Leiala da Jauna bere berba
guztietan,
zintzoa, bere lan guztietan.
Jaunak jaustear diran guztiak
ditu sendotzen,
eta konkortuak jagitzen.
Guztien begiak dagoz Zeuri begira,
Zeuk emoten deutsezu
euren sasoian janaria.
Zabaltzen dozu zure esku hori,
pozik emoten ase-betea
bizidun guztiei.
Zuzena da Jauna
bere bide guztietan,
zintzoa, bere lan guztietan.
Bertan dago Jauna
deitzen deutsoenengandik,
zintzo-zintzo
deitzen deutsoen guztiengandik.
Beteko dau bildur deutsoenen gogoa,
hareen oihua entzunik, salbatuko ditu.
Jaunak zaintzen ditu
maite daben guztiak,
galduko ditu gaizto guztiak.
Neie ahoak berbatu bei
Jaunaren gorespena,
gizakume guztiek bedeinkatu betieran
Haren izen gorena.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan.
Amen.
Ant. Guztien
begiak Zeuri begira dagoz, Jauna; bertan zagoz deitzen deutsuenengandik
3 Ant. Atzerrien
errege, zuzenak eta egiazkoak dira zure bideak!
Kantika: Apk 15, 3-4
Handiak eta
harrigarriak dira
Zuk eginak!
Atzerrien errege,
zuzenak eta egiazkoak
zure bideak!
Nor ez da
izango zure bildur, Jauna?
Nork ez dau goretsiko zure izena?
Zeu baino ez zara-ta santua!
Atzerriak etorri eta zure aurrean
ahuspeztuko dira,
zure erabagiak zuzenak
agertu dira-ta.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Atzerrien
errege, zuzenak eta egiazkoak dira zure bideak!
Jainkoaren hitza
Erm 8, 1-2
Jesu
Kristorekin bat diranentzat, ez da kondenazinorik. Izan ere, Jesu Kristorekin
bat izateari esker, Espirituaren lege bizi-emoileak askatu nau, pekatuaren eta
heriotzearen legetik.
V/.
Kristok heriotza jasan eban pekatuekaitik, * gu Jainkoagana eroateko.
R/.
Kristok heriotza jasan eban pekatuekaitik, * gu Jainkoagana eroateko.
V/.
Heriotza jasan eban bere gorputzean, baina bizia hartu eban barriro
Espirituagandik.
R/.
Gu Jainkoagana eroateko.
V/.
Aintza Aitari eta Semeari eta Espiritu Santuari.
R/. Kristok
heriotza jasan eban pekatuekaitik, * gu Jainkoagana eroateko.
Lk 1, 46-55
Magn. ant. Gogoratu
eizu, Jauna, zure errukia, Zuk gure gurasoei hitzemona.
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Gogoratu
eizu, Jauna, zure errukia, Zuk gure gurasoei hitzemona.
Eskariak
Kristogan itxaroten dabe, Haren izena ezagutzen daben guztiek; egin deiogun,
ba, dei esanez:
Jauna, erruki zakiguz.
—Jesu Kristo Jauna, gure
makaltasunaz juaskor garanok, * indartu gaizuz zeure laguntzaz.
—Geurez pekatura erraz makurtzen
garanoi, * Zu, Jauna, errukior agertu zakiguz.
—Pekatuak nahigabetu eta damuak
eztitzen zaituan Horrek, * aldenduazo gugandik gure pekatuek merezi
daben zigorra.
—Zuk parkatu egin zeutsan damuturik
etorri jatzun emakumeari, eta lepoan hartu zenduan galdutako ardia; * ez
aldenduazo gugandik zure errukia.
(Beste eskari batzuk ere egin
daikez bakotxak)
—Gugaitik kurutzeko oinazeak hartu
zenduzan Horrek, * zabadul eziezuz zeruko ateak Zugan itxaron eben
hildako guztiei.
Jesu
Kristoren irakatsiei jarraituz, esan deiogun zeruko Aitari:
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza:
Jainko guztiz ahaltsu eta betikoa, zure Semeak nekeak jasatea nahi izan zendun
guztion salbamenerako; egizu, zure maitasunean beroturik, Zuretzat opari
atsegingarri izan gaitezela. Zure Seme Jesu Kristo gure Jaunaren bitartez,
Zurekin eta Espiritu Santuarekin batean Jainko eta errege bizi da-eta gizaldi
eta gizaldietan.
Amaierea
V/. Jauna zuekin.
R/. Eta zure Espirituarekin
V/. Bedeinkatu zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak Jainkoari.
