Bezperak
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen. (Aleluia).
1 Ant. Jerusalem,
zutaz ahaztuko banintz, nire eskua igartu bedi.
136 Salmoa, 1-6
Babiloniako ibai-ertzean
negar egitera jesarri ginan,
Sionez oroitu ginan-eta.
Lurralde haretako saratsetatik,
laga genduzan kitarak zintzilik.
Atxilotuta eroan ginduezanek
arren inoskuen abesteko,
nahigabetzen ginduezanek,
alai egoteko:
«Abestu Siongo eresi batzuk,
guk entzuteko».
Zelan guk abestu Jaunaren eresia,
hemen atzerrian?
Jerusalem, zutaz ahaztuko banintz,
nire eskua igartu bedi.
Nire mihina
aho-sabaian itsatsi bedi,
zutaz oroitu ez banendi:
niretzat pozbiderik bikainena,
Jerusalem ez bada.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Jerusalem,
zutaz ahaztuko banintz, nire eskua igartu bedi.
2 Ant. Ene
Jainko, eresi egingo deutsut aingeruen aurrean.
137 Salmoa
Jauna, bihotz-bihotzez deutsudaz
eskerrak emongo,
nire hitzak entzun dituzulako.
Eresi egingo deutsut
aingeruen aurrean,
ahuspeztuko naz
zure jauretxe santuan.
Eskerrak emongo deutsadaz zure izenari
ona ta leiala zaralako,
zure hitzak dau-ta
zure izena egin handiago.
Dei egin neutsunean, entzun ninduzun,
eta nire bihotzean
kemena indartu dozu.
Eskerrak emon beizuez, Jauna,
lurreko erregeek,
zure ahoko hitzak entzutean.
Ospatu beiez Jaunaren bideak:
«Handia da Jaunaren dirdaia,
benetan».
Benetan garai da Jauna,
umilari deutso begiratzen,
harroa, barriz,
urrundik dau ezagutzen.
Larrialdian nabilela
Zeuk bizkortzen nozu,
nire arerioen asarreen aurka
eskua deustazu luzatzen,
eta zure eskoiak nau salbatzen.
Amaituko dau Jaunak nire alde hasia,
betiko dago, Jauna,
zure maitasuna,
ez eskutik laga
zure eskuz egin dozuna.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Ene
Jainko, eresi egingo deutsut aingeruen aurrean.
3 Ant. Ospea
ta aintza hartzeko bada nor, hila izan dan Bildotsa.
Kantika: Apk 4, 11; 5, 9-10. 12
Aintza, ospea ta agintaritza
hartzeko bazara nor,
Jauna, gure Jainkoa;
Zeuk eginak dira-ta diran guztiak,
zure gura-izatez dira eginak.
Liburua hartzeko eta siluak urratzeko
bazera nor,
hila izan zara-ta,
eta zure odolaz erosi dituzu
Jainkoarentzat gizakiak,
leinu eta hizkuntza,
herri eta enda guztietakoak;
eta abade-erreinu egin dituzu
gure Jainkoarentzat,
eta errege izango dira lurrean.
Indarra ta aberastasuna,
jakituria ta ahalmena,
ospea, aintza ta gorespena
hartzeko bada nor
hila izan dan Bildotsa.
Aintza Aitari eta Semeari
eta Espiritu Santuari.
Lehen lez orain eta beti
eta amaibako
egunetan. Amen.
Ant. Ospea
ta aintza hartzeko bada nor, hila izan dan Bildotsa.
Jainkoaren hitza
Kol 3, 16
Oparo bizi bedi zuengan
Kristoren hitza: jakituriarik osoenean alkar argituz eta berotuz; salmoak,
goratzarreak, eta goi-arnasazko abestiak Jainkoari bihotzez eta esker onez
kantari.
V/. Alaitasunez beteko nozu, Jauna, * zure aurrean.
R/. Alaitasunez beteko nozu, Jauna, * zure aurrean.
V/. Betiko atseginez zure eskoi aldean.
R/. Zure aurrean.
V/. Aintza Aitari eta Semeari eta Espiritu
Santuari.
R/. Alaitasunez beteko nozu, Jauna, * zure aurrean.
Magn. ant. Egin, Jauna,
gure alde egintza handiak, Ahalguztiduna zara-ta, eta zure izena Santua da-ta.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Egin, Jauna,
gure alde egintza handiak, Ahalguztiduna zara-ta, eta zure izena Santua da-ta.
Eskariak
Egin deiogun otoitz,
bere herriari indarra eta ahalmena emoten deutsozan Kristori,
esanez:
Entzun gaizuz Jauna, eta goretsiko zaitugu beti.
—Kristo gure indar, zure egiaren argitara deitu
dozuzan sinistun guztiei, * emoiezu leialtasuna eta iraupena.
—Egizu, Jauna, munduko agintari guztiek, zure nahia
bete daiela, * eta hartzen dabezan erabagi
guztiak, bakea lortzeko izan daitezala.
—Zuk bost ogiz asetu zenduan gizatalde handia: * erakutsi
eiguzu, gose diranei gure ondasunez laguntzen.
—Herrialdeen agintariek ez deioela euren herrien onari
baino ez begiratu; * hareen batasuna eleiz-misterioaren ezaugarri izan
dadin.
(Beste eskari batzuk ere egin
daikez bakotxak)
—Emoiezu, Jauna, hildako gure senideei biztuera, eta
zorionezko bizia, * Zugan sinisten dabenekin goraldua izango zaranean.
Familia bat eginez,
esan daigun Jesusek irakatsitako hitzak, eta egin deiogun otoitz Aitari:
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza:
Entzun, Jauna, gure
otoitzak; eta egizu gure ezpanetako hitzak bat izan daitezala gure bihotzeko
gogoekin. Zure Seme Jesu Kristo gure Jaunaren bitartez, Zurekin eta Espiritu
Santuarekin batean Jainko eta errege bizi zara-ta, gizaldi eta gizaldietan.
Amaierea
V/. Jauna zuekin.
R/. Eta zure Espirituarekin
V/. Bedeinkatu zaizela Jainko
ahalguztidunak:
Aitak eta Semeak eta Espiritu Santuak.
R/. Amen.
V/. Zoaze Jaunaren bakean.
R/. Eskerrak Jainkoari.
