I. Domekako II. Bezperak
Agurra
V/. Zatozkit
lagun, ene Jainko.
R/. Jauna,
zatoz laster ni laguntzera.
V/. Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. (Alleluia).
Salmutegia
1 Ant. Siondik
zabalduko dau Jaunak bere aginte-makilaren indarra, eta errege izango da
betiko, alleluia.
Sal 109
Hona, Jaunak esana nire Jaunari
«Jesarri zakidaz eskoian,
zure etsaiak oin-aulki
jartzen deutsudazan bitartean».
Siondik zabalduko dau Jaunak
zure aginte makilaren indarra:
«Izan zaitez nagusi
zure etsaien artean».
Handiki zu jaiotegunetik
santu dirdaian,
ihintza lez sortuazoko zaitut
artizarraren aurrean.
Jaunak zin egin dau
eta ez jako damutuko:
«Melkisedeken sailean
abade zara zu behin betiko».
Nire Jauna zure eskoian:
zapalduko ditu erregeak
hasarre-egunean.
Bidean doala,
errekan edango dau ura,
horregatik jasoko dau burua.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Siondik
zabalduko dau Jaunak bere aginte-makilaren indarra, eta errege izango da
betiko, alleluia.
2 Ant. Ikara
zaitez, lurra, Jaunaren aurrean, alleluia.
Sal 113a
Israel-herriak urten ebanean
Ejiptotik,
Jakob-en etxea erbestetik,
Juda bihurtu jakon jauretxe,
Israel, bere lurralde.
Ikustean, itsasoak ihes,
atzera egin eban Jordanek.
Mendiek jauzi egin eben
ahariek lez,
munoek, arkumeek lez.
Ihes zoaz, itsaso, zergaitik?
Jordan, atzera zergaitik?
Zergaitik egin jauzi, mendiak,
ahariek lez?
munoak, arkumeek lez?
Ikara zaitez, lurra, Jaunaren
aurrean,
Jakoben Jainkoaren aurrean.
Harek harkatxa ur-barruti
biburtzen dau-ta ,
hatxa, ur-iturri.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Ikara
zaitez, lurra, Jaunaren aurrean, alleluia.
3 Ant. Errege
izaten hasia da Jauna, gure Jainko ahalguztiduna, alleluia.
Kantika
(Ikus Apk 19, 1-7)
Alleluia.
Salbamena, aintza ta indarra gure Jainkoarenak:
(R/. Alleluia)
Haren
epaiak egiazkoak eta zuzenak
R/. Alleluia. (Alleluia)
Alleluia.
Goretsi eizue gure Jainkoa Haren morroi guztiok,
(R/. Alleluia)
txiki
eta handi, Haren bildur zarienok.
R/. Alleluia. (Alleluia)
Alleluia.
Errege izaten hasia da-ta Jauna,
(R/. Alleluia)
gure
Jainko aalguztiduna.
R/. Alleluia. (Alleluia)
Alleluia.
Poztu gaitezan eta alaitu,
(R/. Alleluia)
Bera
daigun goratu.
R/. Alleluia. (Alleluia)
Alleluia.
Heldu dira-ta bildotsaren ezteguak:
(R/. Alleluia)
horra
apaindurik Haren emaztegaia.
R/. Alleluia. (Alleluia)
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen. (Aleluia.)
Ant. Errege
izaten hasia da Jauna, gure Jainko ahalguztiduna, alleluia.
Jainkoaren hitza
2 Kor 1, 3-4
Bedeinkatua Jaungoikoa, Jesu Kristo gure Jaunaren Aita, errukiaren Aita, eta
poz guztien Jaungoikoa! Berak pozten gaitu-ta saminaldi guztietan, guk ere
besteak edozein saminalditan poztu ahal izan daiguzan, Jaungoikoagandik geuk
hartu dogun pozarekin.
V/.
Bedeinkatua Zu, Jauna, * zeru-sapaian.
R/.
Bedeinkatua Zu, Jauna, * zeru-sapaian.
V/. Aintza
eta gorespen Zuri gizaldietan.
R/.
Zeru-sapaian.
V/. Aintza
Aitari eta Semeari eta Espiritu Santuari.
R/.
Bedeinkatua Zu, Jauna, * zeru-sapaian.
Magn. ant.
LEHENENGO ASTEA:
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. ⇒Domekakoa
Eskariak
Senideok: Gurtu daigun Kristo, gure Jauna eta Eleizaren Burua, eta uste osoz
eskatu deiogun:
Betorkigu, Jauna zure erreinua.
—Gizonen Salbatzaile zaran Jauna,
egizu zure Eleizak iragarri eta egin daiala gizadi osoaren batasuna, * eta
eroan daizala herri guztiak salbazinora.
—Zatorkiez lagun mundu zabaleko
gotzain guztiei Erromako Aita Santuarekin batean, * eta emoiezu,
batasun, maitasun eta bake-dohaia.
—Egizu, Jauna, kristauak Zuri,
maisu zaituen Horri, loturik bizi izan daitezala, * eta euren
egintzetan Zu aitortu zaiezela.
—Emon, Jauna, munduari bakea,
* eta egizu nagusi izan daitezala herri guztietan zuzentasuna eta
zoriona.
(Beste eskari batzuk ere egin
daikez bakotxak...)
—Eroan, Jauna, hildakoak biztuera
distiratsura, * eta hemen bizi garanok egin gaizuz, hareekin partedun
zeruko zorionean.
Amaitu daigun gure otoitza, Jaunak irakatsitako hitzak esanez:
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza:⇒Domekakoa
V/. Jauna zuekin.
R/. Eta zure Espirituarekin
V/. Bedeinkatu zaizela Jainko ahalguztidunak:
Aitak eta Semeak eta Espiritu
Santuak.
R/. Amen.
V/. Zoaze Jaunaren bakean.
R/. Eskerrak Jainkoari.
