Bezperak
V/. Zatozkit
lagun, ene Jainko.
R/. Jauna,
zatoz laster ni laguntzera.
V/. Aintza
Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen. (Aleluia).
1
Ant. Dei egin deutsut eta osatu egin nozu, Jauna; eskerrak
emongo deutsudaz beti.
29 Salmoa
Goretsiko zaitut, Jauna,
onik atara nozulako,
arerioei nire lepotik poztutzen
itzi ez deutsezulako.
Jauna, ene Jainko, dei egin deutsut,
eta osatu egin nozu.
Jauna, Lezatik nire bizia atara dozu,
zulora doazanengandik
bizirik gorde nozu.
Eresi egiozue, zintzoak, Jaunari,
emon eskerrak Haren izen santuari.
Une baterako da Haren hasarrea,
bizitza guztirako Haren on izatea.
Negarra dator arratsaldean,
baina poza goizean.
Hau esan neban nire lasaian:
«Ez naz kolokatuko sekulan».
Jauna, ospe ta indar eman zeustan
zure onginahian;
baina zure aurpegia gorde zenduan,
eta larritu egin nintzan.
Deika egon nintzan, Jauna, Zuri,
erruki-eske nire Jainkoari:
«Zer irabazten dozu nire odolarekin?
Ni zulora jaistearekin?
Hautsak goretsiko ete zaitu?
Zintzo agertuazoko ete zaitu?
Entzun niri eta nitaz erruki, Jauna,
izan zakidaz laguntzaile, Jauna».
Negarra, dantza bihurtu deustazu,
zakua erantzi,
eta poza jantzi deustazu.
Nire bihotzak begizu atergabe eresi,
Jauna, ene Jainko,
eskerrak nik Zuri beti
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Dei
egin deutsut eta osatu egin nozu, Jauna; eskerrak emongo deutsudaz beti.
2 Ant. Bai
dohatsu, Jaunak errurik leporatzen ez deutson gizona.
31 Salmoa
Bai dohatsu,
gaiztakeria parkatu jakona,
hobena estaldu jakona.
Bai dohatsu, Jaunak errurik
leporatzen ez deutson gizona,
barrenean iruzurrik ez dauana.
Ixilik nengoala
nire hazurrak ihartu egiten ziran,
egun oro intzirian.
Gau ta egun zure eskua
nire gainean astun nebala,
nire indarrak makaldu ziran
udako sargoritan lez.
Nire hobena autortu deutsut,
nire errua ez deutsut ezkutatu.
«Autortuko deutsat —esan neban—,
Jaunari nire txarkeria»,
eta Zuk parkatu egin zeutsan
nire hobenaren txarkeria.
Horregaitik zintzoak larrialdian
Zeuri otoitz egingo;
uholdea oldartzean
urik ez jako helduko.
Zeu zaitut ihesleku:
estualditik Zeuk nozu babesten,
askatasun-pozez inguratzen.
Eskolatuko zaitut, bidea
erakutsiko,
begiok zeugan kokatuz irakatsiko.
Ez izan zentzugabe,
zaldi eta mandoen antzera,
hareen indarra hedez eta ahokoz
bait da ezitzen,
bestela ez jatzuz hurreratzen.
Gaiztoak neke asko ditu,
Jaunagan itxaropen dauana, barriz,
maitasunak batuko dau.
Poztu zaiteze ta alaitu Jaunagan,
zintzoak, egizue pozez oihu,
bihotz zuzeneko guztiak.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Bai
dohatsu, Jaunak errurik leporatzen ez deutson gizona.
3 Ant. Jaunak
agintaritza, ospea ta erreinua emon deutsoz, eta herri guztiek zerbituko dabe.
Kantika: Apk 11, 17-18; 12, 10b-12a
Eskerrak emoten deutsuguz, Jauna,
bazaran eta bazinan
Jainko ahalguztiduna;
zure ahalmen handiaz
jabetu zara-ta,
eta errege izaten hasia zara.
Haserretu ziran atzerriak,
baina heldu da zure haserrea,
eta hilak epaitzeko ordua;
heldu jake sari-ordua
zure zerbitzari profetei,
eta santu eta zure izenaren
bildur diranei,
txikiei nahiz handiei.
Orain etorri da salbamena,
gure Jainkoaren
indarra ta erregetza,
eta bere Kristoren ahalmena;
jaurtia izan da-ta
gure senideen salatzailea,
gure Jainkoaren aurrean,
gau ta egun, salatzen zituena.
Hareek azpiratu dabe Bildotsaren
odolaz,
eta emon daben autormenaz:
euren bizia ez dabe-ta izan maiteago,
heriotza baino.
Poztu zaiteze, beraz, zeruak,
eta euretan bizi zareenak.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Jaunak
agintaritza, ospea ta erreinua emon deutsoz, eta herri guztiek zerbituko dabe.
Jainkoaren hitza
1 Pe 1, 6-9
Poztu
zaiteze, oraingoz estutasun batzutan alditxo batez nahigabetuak izan behar
badozue be. Horrela agertu da zuen sinismena —sutan garbitzen dan urre galkorra
baino askoz bikainagoa—, eta Jesu Kristo agertu daitenean, jadetsiko dau saria,
aintza eta goralpena. Jesu Kristo ikusi ez dozuela be, maite dozue; ikusi barik
sinisten dozue Harengan, eta esan ezin-halako poz handiz alaitzen zaree; eta
horrela zuen sinismenaren helburua jadesten dozue: zeuon salbamena.
V/. Gari-maminez
* janaritzen gaitu Jaunak.
R/.
Gari-maminez * janaritzen gaitu Jaunak.
V/. Harkatxeko
eztiz asetzen.
R/.
Janaritzen gaitu Jaunak.
V/. Aintza
Aitari eta Semeari eta Espiritu Santuari.
R/. Gari-maminez
* janaritzen gaitu Jaunak.
Magn. ant. Bota
ditu Jaunak euren aulkitik handikiak, eta gora jaso ditu ezerezak.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Bota
ditu Jaunak euren aulkitik handikiak, eta gora jaso ditu ezerezak.
Eskariak
Otoitz
deiogun, gure babes eta indar dan Jainkoari, eta esan deiogun:
—Zure herriarekin itun egin dozun
maitasunaren Jainko: * egizu, gogoan izan daiguzala zure mirariak.
—Abadeak egizuz, Jauna, zure
maitasunean sutsuago, * eta kristau fededunak zure Espirituak bat egin
daizala bake-lokarriz.
—Egizu, Jauna, mundu hau
jasotzekoan, beti izan daigula zure laguntza,* alperrik jardun ez daien
lan horretan diharduenak.
—Bialdu eizuz, Jauna, langileak
zure uztara, * zure izena munduan ezagutua izan dadin.
Bakotxak bere eskariak ere egin
daikez
—Hartu eizuz hildako gure senide
eta ongileak zure santuen artean, * eta egizu, gu ere egunen baten
eurekin batu gaitezala zure erreinuan.
Jesu
Kristoren bitartez Jainkoaren seme-alaba izatera heldu garan ezkero, bildur
barik esan daigun:
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Gauaren
iluna argitzen, eta gauaren ondoren eguna barriro ekarten dozun Jauna, egizu,
gau hau pekaturik gabe igaro daigula, eta bihar eguna argitzean batu gaitezala
barriz zeure aurrean Zuri eskerrak emoteko. Zure Seme Jesu Kristo gure Jaunaren
bitartez, Zurekin eta Espiritu Santuarekin batean Jainko eta errege bizi da-ta
gizaldi eta gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
