Bezperak
V/. Zatozkit
lagun, ene Jainko.
R/. Jauna,
zatoz laster ni laguntzera.
V/. Aintza
Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen. (Aleluia).
1
Ant. Atzerrien argitzat ipinten zaitut, lurraren
bazterreraino nire salbazino izan zaitezan.
Sal 71, 2-11
Emoiozu, Jainko, zure auzia
erregeri,
zure zuzentasuna errege-semeari.
Zaindu bei zure herria zuzentasunez,
eta zure gizagaixoak zuzenbidez.
Mendiek herriari bakea ekarri
beioe,
eta munoek zuzenbidea.
Herriko zaurgarriak babestu beiz
salbatu behartsuen seme-alabak,
xehatu beiz zapaltzaileak.
Eguzkia haina luzaro bizi bedi,
ilargia haina gizaldiz gizaldi.
Jatsi bedi euria belartzara lez,
lurra asetzen dauan
euri-lanbroa lez.
Zuzentasuna garatuko da
haren egunetan,
bakea ugari ilargia amatau artean.
Nagusi izan bedi itsasotik itsasoraino,
Ibaitik lehor-mugaraino.
Arerioak aurrean jakoz ahuspeztuko,
haren etsaiek hautsa dabe miazkatuko.
Tarsisko eta uharteetako erregeek
ekarriko deutsoez esku-ikusiak,
Arabiako eta Sabako erregeek
emariak.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Atzerrien
argitzat ipinten zaitut, lurraren bazterreraino nire salbazino izan zaitezan.
2 Ant. Jaunak
salbauko ditu behartsuen seme-alabak, eta xehetuko zapaltzaileak.
Salmoa 71, 12-19
Errege guztiek agurtuko dabe
ahuspez,
atzerri guztiek zerbituko.
Onik atarako dau-ta
oihuka diharduan jente zaurgarria,
eta laguntzailerik ez dauan dohakabea.
Apalarentzat eta behartsuarentzat
izango dau errukia,
salbauko dau behartsuen bizia.
Gogorkeria ta zapalketatik
aterako ditu,
hareen odola harentzat baliotsu.
Bizi bedi! Eta Arabia-ko urretik
emongo deutsoe,
haren alde beti egingo dute otoitz,
atergabe bedeinkatuko dabe.
Gari ugari izango da soloetan,
balantzan egongo da
mendi-tontorretan;
emongo dau uzta Libanok lez,
iria loratuko da
zelaiko belarra bezala.
Betiko izan bedi haren izena,
eguzki-argia haina
haren izenaren iraupena.
Lurreko leinu guztiak †
Harengan izango dira bedeinkatuak,
herri guztiek
dohatsu autortuko dabe ura.
Bedeinkatua Jauna, Israelgo
Jainkoa,
mirariak egiten bakarra!
Bedeinkatua Haren izen ederra
beti eta beti,
eta Haren aintzaz
lurbira osoa bete bedi!
Amen, amen!
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Jaunak
salbauko ditu behartsuen seme-alabak, eta xehetuko zapaltzaileak.
3 Ant. Oraintxe
etorri dira gure Jainkoaren salbazinoa ta erregetza.
Kantika: Apk 11, 17-18; 12, 10b-12a
Eskerrak emoten deutsuguz, Jauna,
bazaran eta bazinan
Jainko ahalguztiduna;
zure ahalmen handiaz
jabetu zara-ta,
eta errege izaten hasia zara.
Haserretu ziran atzerriak,
baina heldu da zure haserrea,
eta hilak epaitzeko ordua;
heldu jake sari-ordua
zure zerbitzari profetei,
eta santu eta zure izenaren
bildur diranei,
txikiei nahiz handiei.
Orain etorri da salbamena,
gure Jainkoaren
indarra ta erregetza,
eta bere Kristoren ahalmena;
jaurtia izan da-ta
gure senideen salatzailea,
gure Jainkoaren aurrean,
gau ta egun, salatzen zituena.
Hareek azpiratu dabe Bildotsaren
odolaz,
eta emon daben autormenaz:
euren bizia ez dabe-ta izan maiteago,
heriotza baino.
Poztu zaiteze, beraz, zeruak,
eta euretan bizi zareenak.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Oraintxe
etorri dira gure Jainkoaren salbazinoa ta erregetza.
Jainkoaren hitza
1 Pe 1, 22-23
Zuen
arimak garbitu dozuez, egiari obedituz, senideak bezala zinez alkar maitatzeko.
Maitatu eizue alkar bihotz garbiz eta gar artean; barriz jaioak zaree-eta, eta
ez hazi ustelkorretik, ustel-ezinetik baino, Jainkoaren hitz bizi eta
iraunkorrari esker.
V/. Jauna
dot artzain, * ez naz ezeren beharrean.
R/.
Jauna dot artzain, * ez naz ezeren beharrean.
V/. Larre
gurietan etzunazoten nau.
R/.
Ez naz ezeren beharrean.
V/. Aintza
Aitari eta Semeari eta Espiritu Santuari.
R/. Jauna
dot artzain, * ez naz ezeren beharrean.
Magn. ant. Zuzentasunaren
gose diranak asetzen ditu Jaunak, eta ondasunez betetzen.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Zuzentasunaren
gose diranak asetzen ditu Jaunak, eta ondasunez betetzen.
Eskariak
Eskerrak emon deioguzan Jainkoari, bere erria Espirituaren era guztietako
bedeinkapenez bedeinkatu dauan gure Salbatzaileari, eta eskatu deiogun:
Bedeinkatu, Jauna, zure herria.
—Jainko errukitsu, zaindu
eizu I…
gure Aita Santua, eta I… gure
Gotzaina; * gorde eizuz okerrik gabe, zure Eleizaren artzain
aukeratu dituzunak.
—Babestu eizu, Jauna, zure herria,
* eta atara eizu gaitx guztietatik.
—Gehitu eizuz orio-kimuak lez zure
mahai-inguruan, beren bizia zure erreinuaren zerbitzurako eskeintzen duten
semeak, * Zuri birjintasunean, pobretasunean eta menpetasunean
hurragotik jarraitu deizuen.
—Zaindu eizuz, euren birjintasuna
eskeini deutsuen zure alabak, * Zuri, Jainkoaren Bildots horri,
noranahi jarraitu deizuen.
Bakotxak bere eskariak ere egin
daikez
—Emoiezu betiko bakea hildakoei,
* eta alkartu gaizuz geu ere eurekin betiko zorionean.
Jesu
Kristoren bitartez Jainkoaren seme-alaba izatera heldu garan ezkero, bildur
gabe esan daigun:
Gure Aita zeruetan zarana,
antu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jauna, arratsaldeko gure gorespen-oparia eskeintzean, apalik eskatzen deutsugu,
zure legea gau ta egun gogoan erabili daigula, eta betiko biziaren argia eta
saria emon deiguzuzala. Zure Seme Jesu Kristo gure Jaunaren bitartez, Zurekin
eta Espiritu Santuarekin batean Jainko eta errege bizi da-ta gizaldi eta
gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
