IV. Domekako II. Bezperak
Agurra
V/. Zatozkit
lagun, ene Jainko.
R/. Jauna,
zatoz laster ni laguntzera.
V/. Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Alleluia.
Salmutegia
1 Ant. Neuk
sortuazo zaitut santu-dirdaian, artizarraren aurrean, alleluia.
Sal 109
Hona, Jaunak esana nire Jaunari
«Jesarri zakidaz eskoian,
zure etsaiak oin-aulki
jartzen deutsudazan bitartean».
Siondik zabalduko dau Jaunak
zure aginte makilaren indarra:
«Izan zaitez nagusi
zure etsaien artean».
Handiki zu jaiotegunetik
santu dirdaian,
ihintza lez sortuazoko zaitut
artizarraren aurrean.
Jaunak zin egin dau
eta ez jako damutuko:
«Melkisedeken sailean
abade zara zu behin betiko».
Nire Jauna zure eskoian:
zapalduko ditu erregeak
hasarre-egunean.
Bidean doala,
errekan edango dau ura,
horregatik jasoko dau burua.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Neuk
sortuazo zaitut santu-dirdaian, artizarraren aurrean, alleluia.
2 Ant. Zorionekoak,
zuzentasunaren gose eta egarri diranak; asetuak izango dira-ta.
Sal 111
Dohatsu, Jaunaren bildur dan
gizona,
Haren aginduak oso maite dituana.
Ahaltsu izango da lurrean haren hazia,
zintzoen ondorengoa onetsia.
Haren etxean onak eta ondasunak,
beti iraungo dau haren zabaltasunak.
Zintzoentzat ilunpetan argia lez sortzen da:
onbera da, errukitsua ta zuzena.
Zorionekoa, errukitu eta emon
egiten dauan gizona,
bere gauzak
zuzen atontzen dituana.
Ez da koloka ibiliko behin ere,
haretaz gogoratzeak iraungo dau beti ere.
Barri txarrak ez dau bildurtzen,
bizkor dau bihotza
Jaunagan itxaroten.
Sendo dauka bihotza, bildurrik barik,
bere etsaiak lotsaz ikusi arte.
Zabaltzen deutse eta emoten
behartsuei,
beti irautekoa da
haren esku-zabala,
ospez jagiko da haren ahalmena.
Hau ikusiz gaiztoa sumindu egingo
da,
haginen karraskaz agortuko,
gaiztoen guraria ez da jazoko.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Zorionekoak,
zuzentasunaren gose eta egarri diranak; asetuak izango dira-ta.
3 Ant. Jesusen
izenera belaun guztiak makurtu beitez zeruan eta lurrean, alleluia.
Kantika: (Ikus
Apk 19, 1-7)
Alleluia.
Salbamena, aintza ta indarra gure Jainkoarenak:
(R/. Alleluia)
Haren
epaiak egiazkoak eta zuzenak
R/. Alleluia. (Alleluia)
Alleluia.
Goretsi eizue gure Jainkoa Haren morroi guztiok,
(R/. Alleluia)
txiki
eta handi, Haren bildur zarienok.
R/. Alleluia. (Alleluia)
Alleluia.
Errege izaten hasia da-ta Jauna,
(R/. Alleluia)
gure
Jainko aalguztiduna.
R/. Alleluia. (Alleluia)
Alleluia.
Poztu gaitezan eta alaitu,
(R/. Alleluia)
Bera
daigun goratu.
R/. Alleluia. (Alleluia)
Alleluia.
Heldu dira-ta bildotsaren ezteguak:
(R/. Alleluia)
horra
apaindurik Haren emaztegaia.
R/. Alleluia. (Alleluia)
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen. (Aleluia.)
Ant. Jesusen
izenera belaun guztiak makurtu beitez zeruan eta lurrean, alleluia.
Jainkoaren hitza
Eb 12, 22-24
Zuek, Sion-mendira hurreratu zaree, Jaungoiko biziaren herrira, zeruko
Jerusalema, milaka eta milaka aingeruen batzarrera, zeruetan idatzirik dagozan
lehen-semeen batzarrera, guztien epaile dan Jaungoikoagana, euren helburua
jadetsitako zintzoen espirituetara, itun barri baten bitarteko dan Jesusengana,
eta Abelenak baino indartsuago oihu egiten dauan garbikuntza-odolera.
V/. Handi
da gure Jainkoa, * indarrez indartsu.
R/. Handi
da gure Jainkoa, * indarrez indartsu.
V/. Harek
dakienak ez dauka neurrik.
R/. Indarrez
indartsu.
V/. Aintza
Aitari eta Semeari eta Espiritu Santuari.
R/.
Handi da gure Jainkoa, * indarrez indartsu.
Magn. ant.
LAUGARREN ASTEA:
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. ⇒Domekakoa
Eskariak
Dei
egin deiogun dohai guztien iturburu dan Jainkoari, eta esan
deiogun:
Entzun, Jauna, gure otoitza.
—Diren guztien Aita eta Jauna, zure
Semea bialdu zenduan mundura, zure izena non-nahi izan zedin goratua, * indartu
eizu herrietan, zure Eleizaren autormena.
—Egin gaizuz, Jauna, zure
Apostoluek irakatsitakoaren entzule on, * eta guk autortzen dogun
sinismenaren egile.
—Zuzen-zaleak maite dituzun Horrek,
* egiezu zuzentasun zapalduei.
—Askatu eizuz giltzapetuak, argitu
itsuen begiak, jaso makurtuak, * eta babestu eizuz arrotzak.
(Beste eskari batzuk ere egin
daikez bakotxak)
Gure
artean eta Jesu Kristorekin alkarturik, eta beti alkarri barkatzeko asmo
sendoz, egin deiogun otoitz Aitari uste osoz:
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza:⇒Domekakoa
Amaierea
V/. Jauna zuekin.
R/. Eta zure Espirituarekin
V/. Bedeinkatu zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze Jaunaren bakean.
R/. Eskerrak Jainkoari.
