Bezperak
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen. (Aleluia).
1 Ant. Gure
begiak beti dagoz Jaunagana, gutaz errukitu dadin arte.
122 Sal
Zugana jasoten ditut begiok,
Zugana,
zeruetan zaran Horrengana.
Begira dagoz-eta morroien begiak
nagusien eskuei,
neskamearen begiak
etxeko-andrearen eskuei:
horrela gure begiak Jaunagana,
gure Jainkoagana, dagoz,
gutaz errukitu dadin arte.
Errukitu zaitez, Jauna,
gutaz errukitu zaitez,
esker txarrez ase-beteak
gagoz-eta.
Asetu be aseturik dago, bai,
gure barrua,
ustetsuen barrez,
harroen esker txarrez.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Gure begiak
beti dagoz Jaunagana, gutaz errukitu dadin arte.
2 Ant. Gure
laguntza, Jaunaren izena, zeru-lurrak egin dituanarena.
123 Salmoa
Jauna gure alde egon ez balitz,
—esan bei orain Israelek—,
Jauna gure alde egon ez balitz
gizakiek gure aurka erasotzean,
bizirik iruntsiko ginduezan orduan,
hareen sumina gugana goritzean;
ura pulunpa izango genuen gainean,
errekek gure gainetik igongo eben;
ur bulartuak igaroko ziran,
gure gainean.
Bedeinkatua, Jauna,
ez gaitu-ta emon
hareen hortzetara ehizeen eran!
Gure bizia hegaztia lez da ihesi,
ehiztarien saretik:
sarea zeharo eten da,
eta guk onez urten dogu.
Gure laguntza, Jaunaren izena,
zeru-lurrak egin dituanarena.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Gure
laguntza, Jaunaren izena, zeru-lurrak egin dituanarena.
3 Ant. Jainkoak
aurrez aukeratu ginduzan Jesu Kristoren bidez, bere seme-alaba orde izateko.
Kantika: Ef 1, 3-10
Bedeinkatua izan bedi Jainkoa,
Jesu Kristo gure Jaunaren Aita,
Espirituaren era guztietako
bedeinkapenez,
zeruan Kristogan
bedeinkatu gaituana.
Harengan aukeratu ginduzan-eta,
mundua sortu baino lehen,
bere aurrean, maitasunez,
santu eta errugabe izan gaitezan.
Aurrez aukeratu ginduzan
bere seme-alaba-orde izateko,
Jesu Kristoren bidez,
bere nahiaren onberatasunez;
bere Seme maiteagan
hain ugari emon deuskun
graziaren aintzak
Bera gorespenez bete daian.
Seme honengan,
bere odolaz dogu erospena,
eta pekatuen parkamena;
halakoa izan da
Haren grazia-aberastasuna.
Oparo isuri deusku-ta bere grazia
ezaguera osoz eta jakituriaz:
bere nahiaren misterioa
ezagutuazo deusku,
bere onginahiez erabagita eukana,
garaia etortean beteko ebana.
Zeruko eta lurreko gauza guztiak
Kristogan batuko dituala,
Berau buru dala.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen. (Aleluia.)
Ant. Jainkoak aurrez
aukeratu ginduzan Jesu Kristoren bidez, bere seme-alaba orde izateko.
Jainkoaren hitza
St 4, 11-12
Senideok, ez txarto
esan alkarren aurka. Anaiaren aurka hitzegiten, edo anaia epaitzen dauanak,
Legeaz txarto esaten dau, eta Legea epaitzen. Legea epaitzen badozu, barriz, ez
zara lege-betetzaile, haren epaile egiten zera. Bat-bera da legegilea eta
epailea: salbatu eta hondatu daikena. Baina zu nor zara, lagun-hurkorik
epaitzeko?
GALDERANTZUNA
V/. Osatu
naizu, Jauna, * zure aurka hoben egina nozu-ta.
R/. Osatu naizu, Jauna, * zure aurka
hoben egina nozu-ta.
V/. Hauxe dinot nik: Erruki
zakidaz, Jauna.
R/. Zure aurka hoben egina
nozu-ta.
V/. Aintza
Aitari eta Semeari eta Espiritu Santuari.
R/. Osatu naizu, Jauna, * zure aurka hoben
egina nozu-ta.
Magn. ant. Handiesten dau nire arimak Jauna, ikusi dau-ta mirabe
honen ezereztasuna.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Handiesten dau nire arimak Jauna, ikusi dau-ta mirabe
honen ezereztasuna.
Eskariak
Gizon guztiak salbatzea
da Jainkoaren naia; eska dezaiogun, beraz, uste osoz gizaldi guztiarentzat:
Jauna, erakarri eizuz gauza guztiak Zeugana.
—Bedeinkatua Zu, Jauna, zure odol aberatsak pekatuaren
morrontzatik atara gaitualako; * emoiguzu seme-alaben aintzazko
askatasuna.
—Emoiezu zure grazia I… gure Gotzainari eta Eleizako
gotzain guztiei, * Zuk emondako lana pozez eta maitasunez bete daien.
—Egiaren bila dabizanek aurkitu daiela egia, * eta
aurkitutakoan jarraitu daiela bilatzen.
—Begitu eiezu, Jauna, umezurtzei, alargunei eta
baztertuei; * euren alde zaituala sentidu daien eta gero-ta Zureagoak
izan daitezan.
Bakotxak bere eskariak ere egin
daikez
—Hartu eizuz hildako gure senideak zure zeruan,
* han Zu Aitarekin eta Espiritu Santuarekin guztia guztietan izango
zara-ta.
Jaunak irakatsiari
jarraituz, bildur barik esan daigun:
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jauna, Zeu zaitugu,
egiaz, amatatzen ez dan argia; argitu gaizuz, bada, iluntze honetan, eta
parkatu gure pekatuak. Zure Seme Jesu Kristo gure Jaunaren bitartez, Zurekin
eta Espiritu Santuarekin batean Jainko eta errege bizi da-ta gizaldi eta
gizaldietan.
Amaierea
V/. Jauna zuekin.
R/. Eta zure Espirituarekin
V/. Bedeinkatu zaizela Jainko
ahalguztidunak:
Aitak eta Semeak eta Espiritu Santuak.
R/. Amen.
V/. Zoaze Jaunaren
bakean.
R/. Eskerrak Jainkoari.
