Bezperak
Agurra
V/. Zatozkit
lagun, ene Jainko.
R/. Jauna,
zatoz laster ni laguntzera.
V/. Aintza
Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen. (Aleluia).
1 Ant. Zure
zintzoek, Jauna, pozez egin beie oihu zure bizilekuan sartzean.
131, 1-10 Salmoa
Gogoratu zaitez, Jauna,
Dabiden ederrez,
harek hartu eban haina nekez;
zin egin eutsola Jaunari,
zin-hitza emon Jakoben Ahaltsuari:
«Ez naz nire etxeko aterpean
sartuko,
ez naz nire ohe goxoan etxungo;
ez deutset lorik emongo begioi,
atsedenik nire betazalei,
tokia aurkitzen ez badeutsat Jaunari,
bizilekua Jakoben Ahaltsuari».
Ha Efratan zala entzun genduan,
Iaar-landan aurkitu genduan.
Sartu gaitezan Haren bizilekuan,
makurtu gaitezan
Haren oin-aulki-aurrean.
Jagi zaitez, Jauna,
erdu zure atseden tokira,
Zu eta zure kutxa itzalgarria.
Zure abadeek
jaietako jantziak hartu beiez,
zure zintzoek
pozez egin beie oihu.
Dabid zure morroiaren ederrez,
ez zapuztu
zure gantzutuaren aurpegia.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Zure
zintzoek, Jauna, pozez egin beie oihu zure bizilekuan sartzean.
2 Ant. Jaunak
Sion beretzat aukeratu du, eta ura bere egoitzarako irrikatu izan du.
131 Salmoa, 11-18
Jaunak Dabidi zin hau egin eutson,
zin sendoa,
eta ez du atzera egingo:
«Zure jatorriko semea
ipiniko dot zure aulkian.
Zure semeek
nire ituna gorde badagie,
eta Nik irakatsi-aginduak bete,
hareen semeak ere betiren beti
jesarriko dira zure aulkian».
Bai, Jaunak Sion
beretzat aukeratu du,
eta ha bere egoitzarako
irrikatu izan dau:
«Hauxe da nire atsedena betiko,
toki honetan bizi izango naz,
hauxe da-ta nahi nebana.
Bedeinkatuko ditut hango
gari-ardoak,
ogiz asetuko hango behartsuak.
Hango abadeak Neuk jantziko ditut ospez,
zintzoek oihu egingo dabe
pozaren pozez.
Han erneazoko dot Dabiden indarra,
biztuko deutsat
nire gantzutuari argia.
Lotsaz ditut haren arerioak jantziko
nire buruntzak haren gainean
dir-dir egingo».
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Jaunak
Sion beretzat aukeratu du, eta ura bere egoitzarako irrikatu izan du.
3 Ant. Jaunak
emon deutsoz agintaritza, ospea ta erreinua, eta herri guztiek zerbituko dabe.
Kantika
Apk 11, 17-18; 12, 10b-12a
Eskerrak emoten deutsuguz, Jauna,
bazaran eta bazinan
Jainko ahalguztiduna;
zure ahalmen handiaz
jabetu zara-ta,
eta errege izaten hasia zara.
Haserretu ziran atzerriak,
baina heldu da zure haserrea,
eta hilak epaitzeko ordua;
heldu jake sari-ordua
zure zerbitzari profetei,
eta santu eta zure izenaren
bildur diranei,
txikiei nahiz handiei.
Orain etorri da salbamena,
gure Jainkoaren
indarra ta erregetza,
eta bere Kristoren ahalmena;
jaurtia izan da-ta
gure senideen salatzailea,
gure Jainkoaren aurrean,
gau ta egun, salatzen zituena.
Hareek azpiratu dabe Bildotsaren
odolaz,
eta emon daben autormenaz:
euren bizia ez dabe-ta izan maiteago,
heriotza baino.
Poztu zaiteze, beraz, zeruak,
eta euretan bizi zareenak.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Jaunak
emon deutsoz agintaritza, ospea ta erreinua, eta herri guztiek zerbituko dabe.
Jainkoaren hitza
1 Pe 3, 8-9
Izan
zaiteze guztiok iritzi bereko eta bihotz bateko: senide alkar-maiteak,
errukitsuak eta apalak. Ez bihurtu txarrik, txar-orde; ez irainik, irain-orde;
alderantziz, bedeinkatu eizue; honetaraxe deituak zaree-ta: bedeinkapena
izatera ondaretzat.
V/. Gari-mamiz
* janaritzen gaitu Jaunak.
R/. Gari-mamiz
* janaritzen gaitu Jaunak.
V/.
Harkatxeko eztiz asetzen.
R/. Janaritzen
gaitu Jaunak.
V/. Aintza
Aitari eta Semeari eta Espiritu Santuari.
R/.
Gari-mamiz * janaritzen gaitu Jaunak.
Magn. ant. Bota
ditu Jaunak euren aulkitik handikiak, eta gora jaso ditu ezerezak.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Bota
ditu Jaunak euren aulkitik handikiak, eta gora jaso ditu ezerezak.
Eskariak
Egin
deiogun dei, bere herriaren artzain, zaindari eta laguntzaile dan Kristori,
esanez:
Babes zaitugun, Jauna, entzun
gaizuz.
—Bedeinkatua Zu, Jauna, zure Eleiza
santura deitu gaituzu-ta * gorde gaizuz beti Eleiza honetan.
—Aita Santuari, Eleiza guztien
ardura emon deutsazu: * emoiozu, sinismen sendoa, itxaropen bizia eta
maitasun arduratsua.
—Emon pekatariei bihotz-barritzea,
eta jausiei indarra; * eta emaiezu guztiei damua eta salbazinoa.
—Erbestean bizi nahi izan zendun
Jauna, * gogoan izan, euren familiatik eta aberritik urrun bizi diranak.
(Beste eskari batzuk ere egin
daikez bakotxak)
—Zugan uste on izan eben hildako
guztiei, * emaiezu betiko atsedena.
Jesu
Kristoren bitartez Jainkoaren seme-alaba izatera heldu garan ezkero, bildur
gabe esan dezagun:
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza:
Jainko ahalguztiduna, eskerrak emoten dizkizugu itzaltzen ari den egunagatik;
eta emoiguzu bihotz onez, egun honetako huts guztien parkamena. Zure Seme
Jesu Kristo gure Jaunaren bitartez, Zurekin eta Espiritu Santuarekin batean
Jainko eta errege bizi da-eta gizaldi eta gizaldietan.
Amaierea
V/. Jauna zuekin.
R/. Eta zure Espirituarekin
V/. Bedeinkatu zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze Jaunaren bakean.
R/. Eskerrak Jainkoari.
