Bezperak
V/. Zatozkit
lagun, ene Jainko.
R/. Jauna,
zatoz laster ni laguntzera.
V/. Aintza
Aitari eta Semeari
eta Espiritu Santuari.
Hasieran zen bezala orain eta beti
gizaldi eta gizaldietan. Amen. (Aleluia).
1
Ant. Osatu naizu, Jauna, pekatu egin dot-eta zure aurka.
40 Salmoa
Bai dohatsu, behartsuaz eta
dohakabeaz
arduratzen dena,
egun gaiztoan
onez aterako dau Jaunak.
Jaunak gordeko dau eta bizirik
eukiko,
dohatsu egingo dau lurrean:
ez dau utziko arerioen menpean.
Ohean minez dala,
Jauna etorriko jako lagun,
gatxaldiko makaltasun guztiak
kenduko deutsoz.
Hauxe dinot nik: «Erruki zakidaz,
Jauna,
osatu naizu,
pekatu egin dot-eta
zure aurka».
Arerioek txarto-esaka dihardue
nitaz;
«Noiz hilko ete da; noiz geldituko
amatauta haren izena»?
Ikustera jatortanari
ahotik huskeria dario,
bihotzean okerra darabil,
handik urtetean dagi berbaz.
Marmarrean dihardu nire aurka
gorroto nauanak,
danak batean,
niri zelan kalte egin asmaketan.
«Izurri gaiztoak hartu dau,
ohean datzan hori
ez da barriro jagiko».
Nik adiskide ontzat naukanak berak,
nire ogitik jaten ebanak,
nire aurka jaso dau orpoa,
Zu, ordea, erruki zakidaz,
eta jagiazo naizu, Jauna,
emon deiedan ordaina.
Alde zaitudala hortik dot
ezagutuko:
arearioa ez dala nire lepotik poztuko.
Ni, barriz,
osasunean nozu zainduko,
eta zure aurrean betiko eukiko.
Bedeinkatua Jauna, Israelgo
Jainkoa,
betirik betiko. Amen, amen!
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Osatu
naizu, Jauna, pekatu egin dot-eta zure aurka.
2 Ant. Gudari-taldeen
Jauna gurekin, Jakoben Jainkoa gaztelu sendo gurekin.
45 Salmoa
Jainkoa dogu gordeleku eta indar,
Berar urten deusku estualdian
laguntzaile bizkor.
Horregaitik ez gara bildurtuko
lurrak badau dar-dar egiten,
nahiz mendiak badira
itsas-erdira jausten.
Harrotu, apartu beitez hango urak,
dardaratu beitez
haren haserrez mendiak.
Gudari-taldeen Jauna gurekin,
Jakob-en Jainkoa
gaztelu sendo gurekin.
Ibai-besangek
alaitzen dabe Jainko-uria,
Goi-goikoaren
bizileku guztiz santua.
Jainkoa dauka erdian,
ez da kolokatuko,
argi-txintarekin
Jainkoak dau lagunduko.
Atzerriek deadar egin dute,
erreinuek zalaparta,
Haren berba-hotsez lurrak ikara.
Gudari-taldeen Jauna gurekin,
Jakob-n Jainkoa
gaztelu sendo gurekin.
Zatoze eta ikusi Jaunak eginak,
lurrean egiten dituen harrigarriak:
Berak ditu guduak geldituazoten,
lurrean alderik alde
uztaiak xehatzen, lantzak apurtzen,
babeskiak kiskaltzen.
«Geldi hor! Jakin eiue
Jainkoa nazala Ni,
atzerrien gain
eta lurraren gain nagusi».
Gudari-taldeen Jauna gurekin,
Jakoben Jainkoa
gaztelu sendo gurekin.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Gudari-taldeen
Jauna gurekin, Jakoben Jainkoa gaztelu sendo gurekin.
3 Ant. Atzerriak
etorriko dira, Jauna, eta zure aurrean ahuspeztuko.
Kantika: Apk 15, 3-4
Handiak eta harrigarriak dira
Zuk eginak!
Atzerrien errege,
zuzenak eta egiazkoak
zure bideak!
Nor ez da izango zure bildur,
Jauna?
Nork ez dau goretsiko zure izena?
Zeu baino ez zara-ta santua!
Atzerriak etorri eta zure aurrean
ahuspeztuko dira,
zure erabagiak zuzenak
agertu dira-ta.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Atzerriak
etorriko dira, Jauna, eta zure aurrean ahuspeztuko.
Jainkoaren hitza
Erm 15, 1-3
Sendo gagozanok argalen makaltasunak eroan behar ditugu, eta ez bilatu geuri
atsegin jakuna. Ahalegindu gaitezan lagun-hurkoari, onerako danean, atsegin
emoten eta onbiderako izango dana bilatzen. Kristok ere ez eban bere atsegina
bilatu; bestetara, baino; holan dino-ta Liburu Santuak: Neure gainera jausi
ziran, Zu iraintzen zinduezanen irainak.
V/. Kristok
maite izan gaitu * eta bere odolaz garbitu gaitu gure pekatuetatik.
R/.
Kristok maite izan gaitu * eta bere odolaz garbitu gaitu gure pekatuetatik.
V/.
Errege-leinu eta Jaungoiko bere Aitaren abade egin gaitu.
R/.
Eta bere odolaz garbitu gaitu gure pekatuetatik.
V/. Aintza
Aitari eta Semeari eta Espiritu Santuari.
R/. Kristok
maite izan gaitu * eta bere odolaz garbitu gaitu gure pekatuetatik.
Magn. ant. Bere
gain hartu gaitu bere morroi garanok, errukiaz gogoraturik.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Bere
gain hartu gaitu bere morroi garanok, errukiaz gogoraturik.
Eskariak
Apalen otoitza maitekiro entzuten dauan Jainkoari, eta gose diranak ondasunez
beteten dituanari, eskatu deiogun uste osoz, esanez:
Emoiguzu, Jauna, zure errukia
—Jauna, Aita guztiz errukitsu,
nekeetan dagozan eleiztar guztientzat eskatzen deutsugu: * izan gogoan,
Eleizaren buru dan zure Semeak kurutzean hareen alde eskeini eutsun
arratsaldeko egiazko oparia.
—Askatu giltzapetuak, argitu
ilunpetan bizi diranak, zaindu alargunak eta umezurtzak, * eta egizu,
nekeetan dagozanen ardura izan daigula guztiok.
—Emon, Jauna, zure seme-alabei
indarra, * deabruaren ekinaldien aurka gogor egin ahal izan daien.
—Erdu lagun, gure Jainko,
heriotza-orduan, * egun haretan zintzo aurktu gaitezan, eta zure bakean
itzi daigun mundu hau.
Bakotxak bere eskariak ere egin
daikez
—Eroan eizuz hildakoak Zeu bizi
zaran argitara, * Zu betikotasunean ikusi zaiezan.
Salbatzaileak agindu eta irakatsiari jarraituz, bildur barik esan daigun:
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Arren eskatzen deutsugu, Jauna, zure Semearen nekaldia ikasbide izan dogunok,
Beraren buztarri leuna eta zama arina eroateko gauza izan gaitezala. Zurekin
eta Espiritu Santuarekin batean Jainko eta errege bizi da-ta gizaldi eta
gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
