Bezperak
Agurra
V/. Zatozkit
lagun, ene Jainko.
R/. Jauna,
zatoz laster ni laguntzera.
V/. Aintza
Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen. (Aleluia).
1 Ant. Eskerrak
Jaunari, Haren maitasuna betikoa da-ta.
135 Salmoa, 1-9
Eskerrak Jaunari, ona da-ta:
Haren maitasuna betikoa da-ta.
Eskerrak jainkoen Jainkoari:
Haren maitasuna betikoa da-ta.
Eskerrak jaunen Jaunari:
Haren maitasuna betikoa da-ta.
Bera da Mirarigile bakarra:
Haren maitasuna betikoa da-ta.
Ortzia zuhurtasunez egin dau:
Haren maitasuna betikoa da-ta.
Lurra ur-gainean sendotu dau:
Haren maitasuna betikoa da-ta.
Argi-zuzi handiak egin ditu:
Haren maitasuna betikoa da-ta.
Eguzkia, egunaren zaindari:
Haren maitasuna betikoa da-ta.
Ilargia ta izarrak, gauaren zaindari:
Haren maitasuna betikoa da-ta.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Eskerrak
Jaunari, Haren maitasuna betikoa da-ta.
2 Ant. Handi
eta harrigarriak dira Zuk eginak, Jauna, Jainko ahalguztiduna.
135 Salmoa, 10-26
Ejiptoko lehen semeak jo ditu:
Haren maitasuna betikoa da-ta.
Israel haien artetik atara dau:
Haren maitasuna betikoa da-ta.
Esku bizkorrez eta beso zabalez:
Haren maitasuna betikoa da-ta.
Itsas-Gorria zati bi egin dau:
Haren maitasuna betikoa da-ta.
Israel herria tartetik ekarri dau:
Haren maitasuna betikoa da-ta.
Itsas-Gorrian Faraon bere gudariekin
suntsitu dau:
Haren maitasuna betikoa da-ta.
Bere herria basamortuan zehar
eroan dau:
Haren maitasuna betikoa da-ta.
Errege handiak jo ditu:
Haren maitasuna betikoa da-ta.
Errege bizkorrak hil ditu:
Haren maitasuna betikoa da-ta.
Sion, amortarren erregea:
Haren maitasuna betikoa da-ta.
Og, basandarren erregea:
Haren maitasuna betikoa da-ta.
Hareen lurra ondare emon deutso:
Haren maitasuna betikoa da-ta.
Ondare Israeli, bere morroiari:
Haren maitasuna betikoa da-ta.
Gure jausialdian gutaz gogoratu da:
Haren maitasuna betikoa da-ta.
Arerioengandik onez atara gaitu:
Haren maitasuna betikoa da-ta.
Bizidun guztiei janaria emoten deutse:
Haren maitasuna betikoa da-ta.
Eskerrak zeruko Jainkoari:
Haren maitasuna betikoa da-ta.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Handi
eta harrigarriak dira Zuk eginak, Jauna, Jainko ahalguztiduna.
3 Ant. Sasoia
etorri zanean, Jainkoak Kristogan, Berau buru zala, gauza guztiak batu zituan.
Kantika Ef 1, 3-10
Bedeinkatua izan bedi Jainkoa,
Jesu Kristo gure Jaunaren Aita,
Espirituaren era guztietako
bedeinkapenez,
zeruan Kristogan
bedeinkatu gaituana.
Harengan aukeratu ginduzan-eta,
mundua sortu baino lehen,
bere aurrean, maitasunez,
santu eta errugabe izan gaitezan.
Aurrez aukeratu ginduzan
bere seme-alaba-orde izateko,
Jesu Kristoren bidez,
bere nahiaren onberatasunez;
bere Seme maiteagan
hain ugari emon deuskun
graziaren aintzak
Bera gorespenez bete daian.
Seme honengan,
bere odolaz dogu erospena,
eta pekatuen parkamena;
halakoa izan da
Haren grazia-aberastasuna.
Oparo isuri deusku-ta bere grazia
ezaguera osoz eta jakituriaz:
bere nahiaren misterioa
ezagutuazo deusku,
bere onginahiez erabagita eukana,
garaia etortean beteko ebana.
Zeruko eta lurreko gauza guztiak
Kristogan batuko dituala,
Berau buru dala.
Aintza Aitari eta Semeari
eta Espiritu Santuari.
Lehen lez orain eta
beti
eta amaibako egunetan. Amen.
Ant. Sasoia
etorri zanean, Jainkoak Kristogan, Berau buru zala, gauza guztiak batu zituan.
Jainkoaren hitza
1 Ts 3, 12-13
Jaunak gehitu eta ugaritu daiala, zuek alkarrentzat eta danontzat dozuen
maitasuna, ugaria dan lez guk zuentzat dogun maitasuna. Holan sendotu daizala
Berak zuen bihotzak; Jesus gure Jauna bere santuekin etorri daitenean, santu
eta esankizunik barik aurkeztu zaitezen, gure Aita Jainkoaren aurrean.
V/. Betorkizu*
nire otoitza, Jauna.
R/. Betorkizu*
nire otoitza, Jauna.
V/. Lurruna
bezala.
R/. Nire
otoitza, Jauna.
V/. Aintza
Aitari eta Semeari eta Espiritu Santuari.
R/.
Betorkizu* nire otoitza, Jauna.
Magn. ant. Handietsi
zaizala beti, ene Jainko, nire arimak.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Handietsi
zaizala beti, ene Jainko, nire arimak.
Eskariak
Jesusek ez dau, Berari dei egiten deutsonik, entzun barik uiten; eskatu
deiogun, beraz, uste osoz esanez:
Jainko gure Jauna, entzun gaizuz.
—Gure argi zaran Jauna, argitu eizu
zure Eleiza, * gizon eginez erakutsi duzun maitasunaren misterio handia
zabaldu daian sinisbakoen artean.
—Zaindu eizuz abadeak eta Eleizaren
zerbitzariak: * eta egizu, euren hitzez irakasten dabena euren bizitzan
leialtasunez bete daiela.
—Zuk zeure kurutzeko odolaz baketu
zenduan mundua: * kendu gugandik, gorrotoa eta guduaren zigorra.
—Lagundu eiezu, Jauna, ezkontzaz
bat egin dozuzanei, * hareen batasuna eleiz-misterioaren ezaugarri izan
dadin.
(Beste eskari batzuk ere egin
daikez bakotxak)
—Emoiezu, Jaun errukitsu, hildako
guztiei, euren pekatuen parkamena, * zure Santuen artean sartu daitezan.
Jesu
Kristorekin bat eginik, eskatu deiogun orain Aitari, Jainkoaren seme-alaben
otoitza esanez:
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza:
Gelditu zaitez geugaz, Jesus Jauna, iluntzen doa-ta; izan zaitez bide-lagun,
argitu gure bihotzak, eta bizkortu gure itxaropen makala, gure senideekin
batera ezagutu zaiguzan Liburu Santuan eta ogi-zatitzean. Aitarerekin eta
Espiritu Santuarekin batean Jainko eta errege bizi zara-ta gizaldi eta
gizaldietan.
Amaierea
V/. Jauna zuekin.
R/. Eta zure Espirituarekin
V/. Bedeinkatu zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze Jaunaren bakean.
R/. Eskerrak Jainkoari.
